حکومەتی هەرێمی كوردستان
TUE, 18 JUN 2019 10:04 Erbil, GMT +3

ھەرێمی کوردستان ماتەم ڕادەگەیەنێت

FRI, 22 MAR 2019 11:55 | KRG Cabinet

له‌ په‌یامێکدا ئه‌نجومه‌نی وه‌زیرانی هه‌رێمی کوردستان بۆ قوربانیانی دوێنێی مووسڵ ماته‌می ڕاگه‌یاند، ئه‌مه‌ ده‌قه‌که‌یه‌تی:

خەم و پەژارەی قووڵی خۆمان ڕادەگەیەنین بۆ كارەساتی گیانلەدەستدانی دەیان كەس لە هاووڵاتیانی شاری مووسڵ كە دوێنێ لە ڕووباری دیجلەدا بەهۆی وەرگەڕانی بەلەمێكەوە گیانیان سپارد. لەیەكەم ساتی ڕووداوەكەشەوە هەموو دامودەزگا پەیوەندیدارەكانی تەندروستی و فریاگوزاری لە هەرێمی كوردستان ڕاسپێردراون بەدەم برینداران و لێقەومانه‌وه‌ بچن و بە شێوەیەكی بەردەوام لە چاودێریكردنی ڕەوشەكەداین، ئەمەش بە ئەركی نیشتمانی و برایەتیی هاوبەشمان دەزانین.

حكوومەتی هەرێمی كوردستان بەشدار و هاوبەشی ماتەمی گشتییە لە عێراق و بەم بۆنەیەشەوە چالاكی و ئاهەنگە فەرمییەكانی جەژنی نەورۆز ڕادەگرێت. بەهەشتی بەرین بۆ قوربانییان لە خوای مه‌زن داواكارین و سەبووری بۆ كەسوكاری بەڕێزیان و هیوای چاكبوونەوەی خێراش بۆ بریندارەكان دەخوازین.

ئه‌نجومه‌نی وه‌زیرانی هه‌رێمی کوردستان
٢٢/٣/٢٠١٩



بابه‌ته په‌یوه‌ندیداره‌کان