حکومەتی هەرێمی كوردستان
THU, 20 JUN 2019 23:08 Erbil, GMT +3

قوباد تاڵەبانی لەگەڵ لیژنەی شەقامی 100مه‌تری سلێمانی، وادەی 10 رۆژیان دیاریی كرد

TUE, 14 MAY 2019 12:26 | KRG Cabinet

بە سەرپەرشتی به‌ڕێز قوباد تاڵەبانی جێگری سەرۆك وەزیرانی هەرێمی کوردستان، کۆبوونەوەی تایبەت بە جێبەجێکردنی پرۆژه‌ی شەقامی ١٠٠ مەتری سلێمانی بەڕێوەچوو و تیایدا تاوتوێی چۆنیەتیی دەستپێکردنی پڕۆژەکە کرا و وادەی 10 رۆژ بۆ پێشكەشكردنی راپۆرت و پێشنیارەكان دیاریكرا.

لە کۆبوونەوەکەدا کە ئەمڕۆ سێشه‌ممه‌ ١٤ ئایاری 2019  لە سلێمانی بەرێوەچوو و به‌ڕێزان وەزیرانی ئاوەدانکردنەوە و نیشتەجێکردن، شارەوانی و گەشتوگوزار، لەگەڵ پارێزگاری سلێمانی و بریکاری وەزیری شارەوانی وسەرۆکی شارەوانی سلێمانی و ئەندامانی لیژنەی سەرپەرشتیاری جێبەجێکردنی پڕۆژەی شەقامی ١٠٠ مەتری سلێمانی ئامادەیبوون، بڕیاردرا لیژنەی سەرپەرشتیاری جێبەجێکردنی پڕۆژەکە لە ماوەی ١٠ رۆژی کاریدا لە راپۆرتێکدا پێشنیار و راسپاردەکانی خۆی سەبارەت بە چۆنیەتیی دەستپێکردنی پڕۆژەکە  پێشکەشی وەزارەتی شارەوانی و سەرۆکایەتیی ئەنجومەنی وەزیران بکات، بۆ ئەوەی بە زووترین کات بڕیار لە چۆنیەتی دەستپێکردنی بدرێت.

ئەم کۆبوونەوەیە دوای ئەو هات کە لە کۆبوونەوەی هەفتەی رابردووی به‌رێز قوباد تاڵەبانی لەگەڵ وەزیرە پەیوەندیدارەکان و پارێزگارەکانی هەر چوار پارێزگاکەی هەرێم سەبارەت بە چاککردنەوەی ڕێگاوبانەکان، بڕیار درا کۆبوونەوەیەکی تایبەت بە جێبەجێکردنی پڕۆژەی شەقامی ١٠٠ مەتری سلێمانی ئەنجام بدرێت بۆ ئەوەی بخرێتە بواری جێبەجێكردنەوە.
 



بابه‌ته په‌یوه‌ندیداره‌کان