حکومەتی هەرێمی كوردستان
MON, 22 APR 2019 21:03 Erbil, GMT +3

هەواڵەکان




نێچیرڤان بارزانى: زمان و کولتوور، گه‌لى كوردیان پاراستووه‌

4/22/2019 1:53:24 PM

له‌ ڕێوڕه‌سمه‌كه‌دا به‌ڕێز نێچیرڤان بارزانی وته‌یه‌كی پێشكه‌ش كرد و تیایدا جیا له‌ به‌خێرهێنانی میوانانی ڕێوڕه‌سمه‌كه‌ به‌تایبه‌تی مامۆستا كه‌لیموڵڵاى ته‌وه‌حودی و ده‌ستخۆشیكردن له‌ ئه‌كادیمیای كوردی بۆ ڕێكخستنی ئه‌م ڕێوڕه‌سمه‌، دووپاتی كرده‌وه‌ كه‌ شانازی بە خەباتی ڕۆشنبیری و ھونەریی مامۆستا (تەوەحودی)ییه‌وه‌ دەکەن لەپێناو داھاتوویەکی باشتر بۆ گەلی کوردستان كه‌ نموونەی ئـەو ڕۆشنبیرانەن مێژووی کوردستان بە شانازییەوە لاپەڕەی زێڕینیان بۆ دەکاتەوە و جه‌ختی كرده‌وه‌ كه‌ ھەولێر و ھەرێمی کوردستان و حکوومەتی ھەرێم شانازی بە سەردانی مامۆستا (تەوەحودی)ییه‌وه‌ دەکات.

 


قوباد تاڵەبانی: كاتێكی سەختمان تێپەڕاندو ئاماژەكانیش بەرەو باشترن

4/22/2019 1:31:56 PM

لەمیانەی لێدوانێكی ڕۆژنامه‌وانیدا لە پیشانگای نێودەوڵەتیی بیناسازی لە شاری هەولێر ئەمڕۆ 22 نیسانی 2019، به‌ڕێز قوباد تاڵەبانی بەبۆنەی ساڵڕۆژی رۆژنامەگەری كوردییەوە سڵاوی تایبەتی بۆ میدیاكاران و دەزگاكانیان نارد و یادی "شەهیدانی قەڵەم"ی بەرز ڕاگرت كە لەمیانەی ئەنجامدانی كاری راگەیاندن و بەهۆی پیشەكانیانەوە گیانیان لەدەست داوە یان ئەوانەی دووچاری زیانی گیانی هاتوون و برینداربوون و گوتی "لەم رۆژەدا سەری ڕێز و نەوازشیان بۆ دائەنەوێنین".

 


ئه‌نجومه‌نى وه‌زیرانى جه‌ژنى قیامه‌ پیرۆز ده‌كات

4/21/2019 9:00:38 AM

جه‌ژنى قیامه‌ى حه‌زره‌تى مه‌سیح سڵاوى خواى لێ بێت له‌ ته‌واوى خوشك و برایانى مه‌سیحى له‌ هه‌رێمى كوردستان، عێراق و سه‌رتاسه‌رى جیهان پیرۆز ده‌كه‌ین. هیوادارین جه‌ژنێكى خۆش و ئارام به‌سه‌ر به‌رن و ئارامى و سه‌قامگیرى و ئاشته‌وایى باڵ به‌سه‌ر هه‌موو جیهان و مرۆڤایه‌تیدا بكێشێت.

 


ڕوونكردنەوەیەك لە وەزارەتی دارایی و ئابورییەوە دەربارەی لێدوانی پەرلەمانتاری بەغداد ڕێبوار كەریم لەگەڵ دەنگی ئەمریكا

4/19/2019 10:49:51 PM

وەزارەتی دارایی و ئابوری حكومەتی هەرێمی كوردستان ڕوونکردنه‌وه‌یه‌ک ده‌دات ده‌رباره‌ی لێدوانی په‌رله‌مانتار ڕیبوار که‌ریم ده‌رباره‌ی مووچه‌ی فه‌رمانبه‌رانی هه‌رێمی کوردستان. 

 


قوباد تاڵەبانی: جگە لە ڕێککەوتن، هیچ بژاردەیەکی دیکەمان لەبەردەمدا نییە

4/18/2019 3:49:22 PM

به‌ڕێزیان باسی لەوەش کرد كه‌ یەکێک لە جوانییەکانی فێستیڤاڵی گەلاوێژ کردنەوەی دەرگای ڕەخنە و بەخۆداچوونەوەیە کە پێویستە ئەم تایبەتمەندییە لە کایەی کولتووری و ڕۆشنبیرییەوە بگوازرێتەوە بۆ سیاسەت و حکومڕانی و ستایشی پەرەپێدانی کولتووری ڕەخنەگرتن و کرانەوەی بەرپرسیارانەی کرد کە ئامانج لێی بنیاتنان و چاکسازی بێت.

 


نێچیرڤان بارزانی جه‌خت له‌ په‌ره‌پێدانی په‌یوه‌ندییه‌کان له‌گه‌ڵ قه‌ته‌ر ده‌کاته‌وه‌

4/17/2019 1:55:54 PM

به‌ڕێز نێچیرڤان بارزانی له‌ دیدارێكدا له‌گه‌ڵ به‌ڕێز حسێن ئه‌لفه‌زاله‌ هه‌ڵسوڕێنه‌ری كاروباری باڵیۆزخانه‌ی قه‌ته‌ر له‌ به‌غدا، خواستی حكوومه‌تی هه‌رێمی كوردستانی بۆ به‌ره‌وپێشبردنی په‌یوه‌ندییه‌كانی له‌گه‌ڵ قه‌ته‌ر نیشان دا، پوخته‌یه‌كیشی ده‌رباره‌ی قه‌یرانه‌كانی‌‌ ساڵانی ڕابردوو و تێپه‌ڕاندنیان به‌ شێوه‌یه‌كی سه‌ركه‌وتوو پێشكه‌ش كرد.


قوباد تاڵەبانی لەگەڵ وەفدێکی باڵای حیزبی شیوعی چین کۆبووەوە

4/17/2019 1:50:00 PM

به‌ڕێز قوباد تاڵەبانی جەختی لەوە کردەوە كه‌ لە ئێستادا هەرێمی کوردستان پێویستی بە بونیادنانی ژێرخانی ئابوریی بەهێز هەیە، بۆیە گرنگە چین لەم قۆناغەدا یارمەتیدەر بێت بە تایبەت كه‌ ئەزمونێکی گەورەی لەمبارەیەوە هەیە.

 


جڤاتا وه‌زیران یا هه‌رێما كوردستانێ سه‌رسالا ئۆلا ئێزدیان (چوارشه‌مبوا سۆر) پیرۆز دكه‌ت

4/16/2019 7:39:51 PM

ئیسال جه‌ژنا چوارشه‌مبوا سۆر د ده‌مه‌كیدا ڤه‌دگه‌ڕیت كو ب ئێكجارى داوى ل تیرۆرستێت داعشێ هاتیه‌ و هه‌مى جهـ و ده‌ڤه‌ر ژ وان هاتینه‌ پاقژكرن. هیڤیدارن كو ڕه‌ڤاندى و وندایێت مه‌ یێت ئێزدى و چاره‌نڤیسێ وان دیار ببیت و ئاشتى و ئارامى و ئاڤه‌دانى ڤه‌گه‌ڕێیته‌ هه‌مى ده‌ڤه‌ریت ئێزدیا و تاونكارێت كو ئه‌ڤ هه‌مى تاوانه‌ ل هه‌مبه‌رى خوشك و برایێت ئیزدى ئه‌نجام داى، بگه‌هنه‌ سزایێ خۆ یێ دادپه‌روه‌رانه‌.

 


نێچیرڤان بارزانى بانگهێشتى چین ده‌كرێت

4/16/2019 5:56:19 PM

له‌ كۆبوونه‌وه‌یه‌كى به‌ڕێزیاندا له‌گه‌ڵ به‌ڕێز لى ژوون جێگرى به‌رپرسى په‌یوندییه‌ نیوده‌وڵه‌تییه‌كانى كۆمیته‌ى ناوه‌ندیى حیزبى كۆمۆنیستى چیندا كه‌ ئه‌مڕۆ سێشه‌ممه‌ 16/4/2019 له‌ هه‌ولێر به‌ڕێوه‌ چوو، هه‌ردوولا جه‌ختیان له‌ په‌ره‌پێدانى په‌یوندییه‌كان و هاوكارى و هه‌ماهه‌نگى له‌ بواره‌كانى ئابوورى و بارزگانى و په‌ره‌پێدان و بنیاتنانى ژێرخان و سه‌رمایه‌گوزارى و وه‌به‌رهێنان و بواره‌كانى دیكه‌دا كرده‌وه‌ و تیشكیان خسته‌ سه‌ر پرۆژه‌ى پشتێنه‌ و ڕێگاى به‌ڕێز سه‌رۆكى چین كه‌ ده‌كرێ له‌ عێراق و هه‌رێمى كوردستان و وڵاتانى دیكه‌ى ناوچه‌كه‌ و جیهانیش سوودى لێ وه‌ربگیرێت.

 


نێچیرڤان بارزانی له‌گه‌ڵ شاندێكی هه‌رێمی بادن ڤۆتمبێرگی ئه‌ڵمانی كۆبووه‌وه‌

4/16/2019 5:34:57 PM

هه‌ر له‌ كۆبوونه‌وه‌كه‌دا كه‌‌ پاشنیوه‌ڕۆی ئه‌مڕۆ سێشه‌ممه‌ 16/4/2019 به‌ڕێوه‌ چوو، شاندی میوان كه‌ له‌ خاتوو تیریسا باوه‌ر وه‌زیری زانست و لێكۆڵینه‌وه‌ و خاتوو تێرێزا شۆپێر وه‌زیری ده‌وڵه‌ت له‌ هه‌رێمی بادن ڤۆرتمبێرگ و خاتوو باربارا وۆڵف كونسولی گشتیی ئه‌ڵمانیا له‌ هه‌رێمی كوردستان و چه‌ند په‌رله‌مانتارێكی په‌رله‌مانی هه‌رێمه‌كه‌ پێكهاتبوو، خۆشحاڵیی خۆیان به‌ سه‌ردانی هه‌رێمی كوردستان و له‌ نزیكه‌وه‌ ئاگاداربوون له‌ ڕه‌وشی هه‌رێم و په‌نابه‌ران ده‌ربڕی و ڕۆڵ و قوربانیدانی خه‌ڵك و پێشمه‌رگه‌ و حكوومه‌تی هه‌رێمی كوردستانیان له‌ حه‌واندنه‌وه‌ و پاراستنی ئاواره‌كان له‌ مه‌ترسیی تیرۆر به‌رز نرخاند.

 



previous 1 2 3 4 5 6 7 8 9 10  ... next