حکومەتی هەرێمی كوردستان
THU, 23 NOV 2017 03:05 Erbil, GMT +3

تەکنەلۆژیای زانیاری




فه‌رما‌نگه‌ی ته‌کنه‌لۆجیای زانیاری باڵاترین دامەزراوەی تەکنەلۆجیای زانیارییە لەناو حکومەتی هەرێمی کوردستاندا کە لەسەر ڕاسپاردەی بەڕێز سەرۆکی حکومەتی هەرێمی کوردستان نێچیرڤان بارزانی له‌ ئاداری ساڵی 2007 دامه‌زراوه. 
 
فەرمانگەی تەکنەلۆجیای زانیاری لە نێو ئەنجومەنی وەزیران جێگیر کراوە و ئەرکی سه‌رکردایه‌تیکردنی پەرەپێدانی ته‌کنه‌لۆجیای زانیاری و نوێکردنەوەی حکومەتی هەرێمی کوردستانە لە چوارچێوەی سیاسەتێکی یەکگرتووی تەکنەلۆجیای زانیاریدا. 
 
فەرمانگە بە پێی ڕێکارێکی زانستی کار لەسەر ئەم بوارانەی خوارەوە دەکات لە پێناو بەرەوپێشبردنی هەرێمی کوردستان لەڕێگەی پەرەپێدانی تەکنەلۆجیای زانیاری: 
 
1. بەرزکردنەوەی توانا و پەرەپێدانی سامانی مرۆیی لە هەرێمی کوردستان لە ڕێگای را‌هێنان و پەروەردە.
2. دابین کردنی ژێرخانی تەکنیکی پارێزراو.
3. دابین کردنی حوکمڕانی تەکنەلۆجیای زانیاری و دانانی ڕێکار بۆ پرۆگرامەکانی ئایتی حکومەت.
4. دابینکردنی ئەپلیکەیشن و داتا و خزمەتگوزاری ئەلکترۆنی هاوبەش بۆ دامودەزگاکانی حکومەت.
5. پەرەپێدان و هاندانی بەشداربون لە بواری ئایتی بۆ دروستکرنی کەشێکی گونجاو بۆ پەرەسەندنی تەکنەلۆجیای زانیاری لە هەرێمی کوردستان.
6. کارکردن لە سەر جێبەجێ کردنی سیاسەتی تایبەت بە تەکنەلۆجیای زانیاری لە ڕێگای یاسادانان و ڕێکخستن و ستانداردەکان.
7. فەراهەم کردنی میکانیزمی شەفاف و کارا بۆ وەبەرهێنانی تەکنەلۆجیای زانیاری .




چاڵاکیەکان

نێچیرڤان بارزانى: به‌ یه‌كڕیزى، ئه‌م قۆناغه‌ سه‌خته‌ تێده‌په‌ڕێنین

MON, 20 NOV 2017 19:24

دوای كۆبوونه‌وه‌ی ئه‌نجومه‌نی وه‌زیران، پاشنیوه‌ڕۆی ئه‌مڕۆ دووشه‌ممه‌ 20/11/2017 له‌ كۆنگره‌یه‌كی ڕۆژنامه‌وانیدا به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، باسی ناوه‌ڕۆكی كۆبوونه‌وه‌ و چه‌ند پرسێكی په‌یوه‌ست به‌ هه‌رێمی كوردستان و عیراق و ناوچه‌كه‌ی‌ كرد.

 

نێچیرڤان بارزانى نامه‌یه‌كى له‌ یه‌كێتیى ئه‌ورووپاوه‌ پێگه‌یشت

THU, 16 NOV 2017 16:34

"ئێمه‌ له‌ نزیكه‌وه‌ و به‌ نیگه‌رانییه‌وه‌ له‌ پێشهاته‌ مه‌یدانییه‌كانمان ڕوانیوه‌، ماوه‌ى چه‌ند هه‌فته‌ى ڕابردووش كارى له‌پێشینه‌مان ئه‌وه‌ بووه‌ كه‌ ڕێگرى له‌ توندوتیژى بكرێت له‌ هه‌ر لایه‌نه‌كه‌وه‌ بێت، هه‌روه‌ها پشتگیریى ئه‌و هه‌وڵانه‌مان كردووه‌ كه‌ بۆ چاره‌سه‌ركردنى كێشه‌كان دراون، وه‌ك ڕێكاره‌ ئه‌منییه‌كان له‌ ناوچه‌ جێناكۆكان. یه‌كێتیى ئه‌ورووپا به‌رده‌وامیشه‌ له‌ چاودێریكردنى دۆخه‌كه‌ و هاوكاریى مرۆیى پێشكه‌ش ده‌كات".

نێچیرڤان بارزانى: حكوومه‌تى عیراق پێچه‌وانه‌ى ده‌ستوور ڕه‌فتار ده‌كات

MON, 13 NOV 2017 19:39

دوای كۆبوونه‌وه‌ی دووشه‌ممه‌ ی ئه‌نجومه‌نی وه‌زیرانی هه‌رێمی كوردستان، له‌ كۆنگره‌یه‌كی ڕۆژنامه‌وانیدا به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، ناوه‌ڕۆكی كۆبوونه‌وه‌ و چه‌ند پرسێكی دیكه‌ی په‌یوه‌ست به‌ هه‌رێمی كوردستان و ناوچه‌كه‌ی خسته‌ ڕوو.