حکومەتی هەرێمی كوردستان
SAT, 22 SEP 2018 02:40 Erbil, GMT +3

پەیوەندییەکانی دەرەوە




حکومەتی هەرێمی کورستان، بەمەبەستی پەیوەندی بەستن لەگەڵ کۆمەڵگای نێودەوڵەتی، فەرمانگەی پەیوەندییەکانی دەرەوەی لە ئەیلول / سەبتەمبەری 2006 دامەزراند. ئەمڕۆ، فەرمانگەی پەیوەندییەکانی دەرەوە بەشێکی گرنگی حکومەتە و چەندین ئەرکی جۆراوجۆر ئەنجام دەدات. وەهەروەها، حکومەتی هەرێمی کورستان چەندین نووسینگەی نوێنەرایەتی هەیە لە سەر ئاستی جیهاندا.

فەرمانگەی پەیوەندییەکانی دەرەوەی حکومەتی هەرێمی کوردستان بەرپرسە لە برەوپێدانی بەرژەوەندیەکانی  هەرێمی کوردستان و هاوڵاتیان لە بواری پەیوەندی لەگەڵ کۆمەڵگای نێودەوڵەتی، بە پشت بەستن بە یاساکانی هەرێم و دەستوری کۆماری عێراق.

حکومەتی هەرێمی کوردستان، چالاکیەکانی دەرەوەی هەرێمی کوردستان لە ڕێگەی 13 نووسینگەی نوێنەرایەتی لەسەر ئاستی جیهان بەڕێوە دەبات. چەندین کونسوڵگەری بیانی لە هەرێمی کوردستان بوونیان هەیە. 

فەلاح مستەفا بکر، سەرۆکی فەرمانگەی پەیوەندییەکانی دەرەوەیە بە پلەی وەزیر. فەرمانگەی پەیوەندییەکانی دەرەوە لە چەندین بەڕێوەبەرایەتی پێکهاتووە. بۆ پەیوەندیکردن بە فەرمانگەی پەیوەندییەکانی دەرەوە لێرە کلیک بکە. 

 





چاڵاکیەکان

قوباد تاڵەبانی: دەبێت هەموو نەتەوەکانی عێراق مافەکانیان بەپێی دەستوور پارێزراو بێت

TUE, 5 JUN 2018 14:55

قوباد تاڵەبانی ئاماژەی بۆ ئەوەش كرد نەتەوە و پێکهاتە جیاجیاکانی عێراق بە کوردستانیشەوە، هەموویان هاوڵاتی رەسەنن بێ جیاوازی و خاوەن مافن لەم وڵاتە، بۆیە دەبێت هەموو مافەکانیان بە دەستوور و یاسا پارێزراو بێت، دەبێت هەمووان پێکەوە یەک بن بە پێکهاتەکانی نەتەوەیی و ئایینی و سیاسی، بۆ ئەوەی وڵاتێکی ئارام و دادپەروەر و پێشکەوتوو بنیات بنێین."

 

نێچیرڤان بارزانی و یان كۆبیش جه‌خت له‌ دیالۆگی هه‌ولێر ــ به‌غدا ده‌كه‌نه‌وه‌

THU, 29 MAR 2018 17:38

له‌ دیدارێكدا كه‌ به‌ڕێز قوباد تاڵه‌بانی جێگری سه‌رۆك وه‌زیرانی هه‌رێمی كوردستان ئاماده‌ی بوو، به‌ڕێز كۆبیش خۆشحاڵیی خۆی به‌ هه‌نگاوه‌ ئه‌رێنییه‌كانی هه‌ولێر ـ به‌غدا ده‌ربڕی‌ و هیوای دیالۆگێكی جددیترى به‌ ئامانجی چاره‌سه‌ركردنی كێشه‌كان خواست، ئاماده‌ییی نه‌ته‌وه‌ یه‌كگرتووه‌كانیشی له‌مباره‌یه‌وه‌ بۆ هه‌ر هاریكارییه‌ك نیشان دا.

 

نێچیرڤان بارزانی و شاندێكی ئه‌مه‌ریكی جه‌خت له‌ هاریكارى و هه‌ماهه‌نگیی دوولایه‌نه ده‌كه‌نه‌وه‌

WED, 28 MAR 2018 22:06

شاندی میوان خۆشحاڵیی خۆی بۆ هاوكاری و هه‌ماهه‌نگیی ‌نێوان هێزه‌كانی پێشمه‌رگه‌ و هاوپه‌یمانان ده‌ربڕی و به‌ پێوستیان زانی‌ خه‌ڵكی هه‌رێمی كوردستان و كۆمه‌ڵگه‌ی نێوده‌وڵه‌تی شانازی به‌ سه‌ركه‌وتنه‌كانی پێشمه‌رگه‌وه‌ له‌ به‌رامبه‌ر تیرۆرستانی داعش بكه‌ن كه‌ بۆ ته‌واوی مرۆڤایه‌تی بووه‌.