حکومەتی هەرێمی كوردستان
SAT, 23 MAR 2019 11:41 Erbil, GMT +3

کۆبوونەوەکانی ئەنجوومەن و لێدوانەکان



حکومەتی هەرێمی کوردستان دەسەڵاتی جێبەجێکارییە لە هەرێمی کوردستان. لێدوان و ڕاگەیاندنە فەرمییەکانی دەرچوو لە لایەن ئەنجوومەنی وەزیران و وتەبێژی حکومەت لەخوارەوە ئاماژەیان بۆ کراوەو بەهەمان شێوە بڵاوکراوە ڕۆژنامەوانییەکانی پەیوەندیدار بە کۆبونەوەکانی ئەنجوومەنی وەزیران و دانیشتنە تایبەتەکان.  





چاڵاکیەکان

ھەرێمی کوردستان ماتەم ڕادەگەیەنێت

FRI, 22 MAR 2019 11:55

خەم و پەژارەی قووڵی خۆمان ڕادەگەیەنین بۆ كارەساتی گیانلەدەستدانی دەیان كەس لە هاووڵاتیانی شاری مووسڵ كە دوێنێ لە ڕووباری دیجلەدا بەهۆی وەرگەڕانی بەلەمێكەوە گیانیان سپارد. لەیەكەم ساتی ڕووداوەكەشەوە هەموو دامودەزگا پەیوەندیدارەكانی تەندروستی و فریاگوزاری لە هەرێمی كوردستان ڕاسپێردراون بەدەم برینداران و لێقەومانه‌وه‌ بچن و بە شێوەیەكی بەردەوام لە چاودێریكردنی ڕەوشەكەداین، ئەمەش بە ئەركی نیشتمانی و برایەتیی هاوبەشمان دەزانین.

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:05

هه‌ر له‌ په‌یوه‌ندییه‌ ته‌له‌فۆنییه‌كه‌دا به‌ڕێز سه‌رۆك وه‌زیرانی هه‌رێمی كوردستان ئاماده‌ییی ده‌زگا په‌یوه‌ندیداره‌كانی حكوومه‌تی هه‌رێمی كوردستانی بۆ یارمه‌تیدانی لێقه‌وماوان و چاره‌سه‌ركردنی برینداران و هه‌ر پێویستییه‌كی دیكه‌ نیشان دا و له‌مباره‌یه‌وه‌ ڕایگه‌یاند كه‌ ڕێنمایی و ڕاسپارده‌ی داوه‌ته‌ به‌ڕێزان هه‌ردوو پارێزگاری هه‌ولێر و دهۆك بۆ هه‌ر یارمه‌تیدان و هاوكاریکردنێکی خه‌ڵكی مووسڵ.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 20:39

پرسه‌ و سه‌ره‌خۆشییان لێده‌که‌ین و له‌م کاته‌ سه‌خت و به‌ئازاره‌دا له‌گه‌ڵیانین. خوای گه‌وره‌ دڵنه‌وایی و ئارامییان پێ ببه‌خشێت و هیوای سه‌لامه‌تی بۆ ڕزگاربووان ده‌خوازین. هیوادارین ڕووداوی دڵته‌زێنی وا دووباره‌ قه‌ت نه‌بنه‌وه.